ՀԱՊԿ անդամ հանդիսացող Հայաստանը ուրույն դեր ունի որպես ՆԱՏՕ-ի գործընկեր երկիր: Այս մասին սեպտեմբերի 17-ին «ՆԱՏՕ-ի գագաթաժողովի ազդեցությունը Հայաստանի եւ Հարավային Կովկասի վրա» թեմայով քննարկմանը հայտարարել է Մեծ Բրիտանիայի արտակարգ եւ լիազոր դեսպան Քեթրին Լիչը:
Ըստ բրիտանացի դիվանագետի՝ Հայաստանը մեծ ավանդ է ներդրել Հյուսիսատլանտյան դաշինքի տարբեր առաքելություններում.
«ՆԱՏՕ-ն բարձր է գնահատում Հայաստանի հետ հարաբերություններն ու գործընկերությունը», - ընդգծել է Քեթրին Լիչը: Ըստ դեսպանի՝ Ուելսում ՆԱՏՕ-ի գագաթաժողովը կարեւոր պահ էր Աֆղանստանի խաղաղապահ առաքելության (ISAF) անդամ երկրներին շնորհակալություն հայտնելու համար, որտեղ կարեւոր գործընկեր է Հայաստանը:
Հիշեցնենք, ՆԱՏՕ-ի գագաթաժողովը տեղի էր ունեցել սեպտեմբերի 4-5-ին Ուելսում: