LifeNews հեռուստաալիքի նոր գլխավոր տնօրեն է նշանակվել Արամ Գաբրելյանովը, հայտնում է «Ինտերֆաքսը»՝ վկայակոչելով «Նյուզ մեդիա» հոլդինգի մամուլի ծառայությունը, որին պատկանում է հեռուստաալիքը:
«Հոլդինգում գլոբալ փոփոխություններ չեն նախատեսվում, LifeNews հեռուստաալիքի գլխավոր տնօրենի պաշտոնը, որը նախկինում զբաղեցնում էր Աշոտ Գաբրելյանովը, կզբաղեցնի հոլդինգի սեփականատեր Արամ Գաբրելյանովը», — նշել են մամուլի ծառայությունում:
Ավելի վաղ հայտնի էր դարձել, որ Աշոտ Գաբրելյանովը հեռանում է «Նյուզ մեդիա» հոլդինգի գործադիր տնօրենի եւ LifeNews հեռուստաալիքի գլխավոր տնօրենի պաշտոնից:
