Կամերունի դատարանը նույնասեռականության մեջ մեղավոր է ճանաչել Baileys սերուցքային լիկյոր խմող մի տղամարդու: Դատարանը «կանացի» ալկոհոլային խմիչքն օգտագործելը համարել է մեղադրյալի ոչ ավանդական սեռական կողմնորոշման ապացույց (որը տվյալ երկրում հետապնդվում է օրենքով), հայտնում է Opposite View-ն՝ վկայակոչելով մարդու իրավունքների կամերունցի իրավաբան Միշել Տոգին:
Տոգը, որը նախկինում Կամերունի դատարանում արդեն պաշտպանել էր ոչ ավանդական սեռական կողմնորոշման բազմաթիվ անձանց, սկսել է քննել տվյալ գործն արդեն այն բանից հետո, երբ լիկյորի սիրահարին մեղավոր են ճանաչել նույնասեռականության մեջ՝ կանացի գաստրոնոմիական նախասիրությունների համար, փոխանցում է Lenta.ru-ն:
Կամերունում նույնասեռական հարաբերություններն օրենքով դատապարտելի են 1972 թ.-ից: Նույնասեռականությունը, որպես կանոն, հայտնաբերում են անուղղակի ապացույցների հիմքով: Մեղավորներին սպառնում է մինչեւ հինգ տարվա ազատազրկում:
