Ուելսում ընդունված ՆԱՏՕ-ի եզրափակիչ հռչակագրում հստակորեն նշվում էր, որ Հյուսիսատլանտյան դաշինքը հանդես է գալիս ղարաբաղյան հարցի խաղաղ խարգավորման օգտին եւ ԵԱՀԿ Մինսկի խմբին ճանաչում է՝ որպես բանակցությունների համակարգող: Այդ մասին այսօր՝ սեպտեմբերի 17-ին, «ՆԱՏՕ-ի գագաթնաժողովի ազդեցությունը Հայաստանի եւ Հարավային Կովկասի վրա» թեմայի քննարկման շրջանակներում լրագրողներին հայտարարեց Հայաստանում Մեծ Բրիտանիայի արտակարգ եւ լիազոր դեսպան Քեթրին Լիչը:
«Ես հասկանում եմ, որ Հայաստանը ՆԱՏՕ-ի հռչակագրում առկա ձեւակերպումների համար ուրախ չէ, սակայն որպես Դաշինքի անդամ-երկրի ներկայացուցիչ շատ ուրախ եմ փաստել, որ հռչակագրում հստակորեն նշված էր, որ Հյուսիսատլանտյան դաշինքը կողմ է հակամարտությունների խաղաղ կարգավորմանը: Մենք սատարում ենք ԵԱՀԿ Մինսկի խմբին՝ որպես ղարաբաղյան հարցի շուրջ բանակցությունների համակարգող», - նշեց բրիտանացի դեսպանը:
Հիշեցնենք, որ ՆԱՏՕ-ի հռչակագիրն ընդունվել է Ուելսում՝ սեպտեմբերի 4-5-ին: Այնտեղ ասվում է նաեւ Ադրբեջանի տարածքային ամբողջականության պաշտպանության մասին:
