Չինաստանի Գուանդուն նահանգի Չժանտյան քաղաքում պարզվել է, որ ամուսնացած ոստիկանը սեռահական հարաբերություններ ունի ուրիշի կնոջ հետ: Իրավապահին հայտնաբերել էին խաբված ամուսինն ու նրա օգնականը: Նրան ծեծի էին ենթարկել ու հանձնել ոստիկանությանը, գրում է «The Shanghaiist»-ը:
Չինացի Մի Չենը որոշ ժամանակ առաջ սկսել էր կնոջ կասկածել դավաճանության մեջ, սակայն մինչեւ վերջերս չէր հաջողվում հաստատել կասկածները: Հաջողությունը նրան ժպտացել էր այն բանից հետո, երբ գիշերը գաղտնի հետեւեց նրան հանդիպման վայրից դեպի մեքենայի կայանատեղի: Այնտեղ կինը հանդիպեց ճանապարհային ոստիկանության 40-ամյա աշխատակից Գո Չիուի հետ:
Կնոջ անհավատարմությունից բարկացած տղամարդը զանգահարել է ընկերներին, որոնք դեպքի վայր են հասել եւ հարձակվել սիրեկանների վրա: Ոստիկանին, ում հագին միայն գուլպաներ են եղել, դուրս են հանել մեքենայից: Նրան ծեծի են ենթարկել, հետո կապել ձեռքերն ու տարել ոստիկանություն, հաղորդում է «NEWSru.com»-ը:
Խաբված ամուսինը պարզաբանել է, որ ցանկացել է պատժել ոստիկանին, ինչպես նաեւ ցույց տալ ընկերներին իրենց աշխատակցի իրական դեմքը: «Այժմ նա գաղտնիքներ չունի»,- հավելել է Չենը:
Տղամարդու խոսքով՝ ոստիկանը խաբել է անգամ իր կնոջը: Նրան իրավապահը հայտարարել է, թե ոստիկանության պետ է, այլ ոչ թե շարքային իրավապահ, որի պաշտոնը ոչ այլ ինչ է, քան կայանատեղիի պետ:
