10-ամյա Վլադիմիր Ախոյանը Վրաստանի Ուռեկի քաղաքում օգոստոսի վերջին կայացած միջազգային առաջնությանը կարատեի սեմիկոնտակտ ոճում առաջին ռաունդում հաղթել է մրցակցին եւ զբաղեցրել իր տարիքային խմբում առաջին տեղը։
«Իմ մրցակիցն ադրբեջանցի էր, ես շատ էի ուզում նրա հետ մրցել եւ ուժեղ կպնել»,- NEWS.am-ին ասաց Վլադիմիրը։
Վլադիմիրի սենսեյ Գեւորգ Սարգսյանի խոսքով, նա խոստումնալից մարզիկ է, ունի լավ տեխնիկա։
«Վլադիմիրը խոստումնալից մարզիկ է։ Նա տասը տարեկանում արդեն հասցրել է կատա ոճում Հայաստանի չեմպիոն դառնալ»,- ասաց Վլադիմիր Ախոյանի սենսեյը՝ ավելացնելով, որ արդյունքները բավարար էին, սակայն դեռ աշխատելու շատ բան կա։
Հայաստանի կարատեի ազգային ֆեդերացիայում Վլադիմիրը սկսել է կարատեի շոտոկան ոճով պարապել սկսած 5 տարեկանից՝ եղբոր հորդորով։ Օրական նա մարզվում է 4-ից 5 ժամ, հետեւում հատուկ սննդակարգի։ Նրա նպատակը իր ոճում աշխարհի չեմպիոն դառնալն է։