Հոկտեմբերի 21-ին Apple-ը կներկայացնի վեցերորդ սերնդի iPad-ը: Այս մասին գրում է ԻՏԱՌ ՏԱՍՍ-ը՝ վկայակոչելով Daily Dot-ին:
Սպասվում է նաեւ, որ ամերիկյան կորպորացիան կներկայացնի երրորդ սերնդի iPad mini պլանշետը, ինչպես նաեւ OS X Yosemite օպերացիոն համակարգը: iPad-ի էկրանը լինելու է 9.7 դյույմ, իսկ iPad mini պլանշետինը՝ 7.9 դյույմ:
Հիշեցնենք, որ ավելի վաղ Apple ընկերությունը ներկայացրել է նոր՝ iPhone 6 եւ iPhone 6 Plus սմարթֆոնները: Նորույթը ներկայացրել է կորպորացիայի գլխավոր տնօրեն Թիմ Քուքը, Կուպերտինոյի Flint Center for the Performing Arts կենտրոնում կայացած շնորհանդեսի ժամանակ: Նոր սմարթֆոնների գինն արդեն հայտնի է. 16 Գբ հիշողությամբ iPhone 6-ն արժենալու է սկսած 199 դոլարից, իսկ նույն հիշողությամբ iPhone 6 Plus-ը՝ սկսած 299 դոլարից: