Երեւանի քաղաքապետ Տարոն Մարգարյանի հանձնարարությամբ «Էրեբունի-Երեւան- 2796» տոնակատարությանը նախորդող շաբաթ օրերին մայրաքաղաքի վարչական շրջաններում կընթանան բակային շաբաթօրյակներ:
Երեւանի քաղաքապետարանից հայտնում են, թե այդ նպատակով կենտրոնացվել են սանմաքրման եւ կանաչապատման բոլոր ձեռնարկությունների մարդկային եւ տեխնիկական ռեսուրսները: Շաբաթօրյակներն ավելի լայնածավալ իրականացնելու նպատակով վարչական շրջանների համապատասխան կառույցներին տեխնիկապես կաջակցեն նաեւ մայրաքաղաքի շինարարական կազմակերպությունները: Երեւանի քաղաքապետարանի օպերատիվ շտաբն էլ կվերահսկի աշխատանքի ընթացքը` պարբերաբար այդ մասին զեկուցելով Երեւանի քաղաքապետ Տարոն Մարգարյանին: