Իտալացի դերասանուհի Սոֆի Լորենը, ում 80-ամյակը կլրանա սեպտեմբերի 20-ին, հոբելյանին ընդառաջ հիշողությունների գիրք կթողարկի, հաղորդում է Reuters-ը:
«Երեկ, այսօր, վաղը՝ իմ կյանքը» 300 էջանոց գրքում կընդգրկվեն հին լուսանկարներ, Քերի Գրանտեին, Ֆրենկ Սինատրային, Օդրի Հեփբերնին, Մարչելո Մաստրոյանիին նվիրված հուշեր ու նամակներ, դերասանուհու սիրավեպերի մասին բացահայտումներ, հաղորդում է Gazeta.ru-ն:
Նշենք, որ Սոֆի Լորենը առաջին անգամ կինոյում նկարահանվել է 1950թ.-ին: Դերասանուհին իր լավագույն կերպարները կերտել է «Չոչարա», «Իտալական ամուսնություն», «Երեկ, այսօր, վաղը» եւ բազմաթիվ այլ ֆիլմերում:
