Beeline-ը պարգեւատրեց «Ի՞նչ է ֆորտունան ինձ համար» խորագրով մրցույթի հաղթողներին: Մրցույթն անց էր կացվում Facebook եւ Odnoklassniki սոցիալական ցանցերում` Beeline Armenia պաշտոնական էջերում։
Հաղթողների պարգեւատրման արարողությունը տեղի ունեցավ Ամիրյան 3 հասցեում գտնվող վերաբացված Beeline վաճառքի եւ սպասարկման գրասենյակում, ուր հրավիրվել էին լավագույն աշխատանքների հեղինակները:
Երեւանաբնակ Նվարդ Հակոբյանն ու Վանաձորից Նաիրա Ալիխանյանը, ում լուսանկարները հավաքել էին առավելագույն թվով քվե, պարգեւատրվեցին Sumsung Galaxy S4 մոդելի հեռախոսներով։ Աշոտ Բեգլարյանը եւ Լիլիթ Հակոբյանը, ում աշխատանքներն լավագույնն էին ճանաչվել լուսանկարիչներից ու Beeline ներկայացուցիչներից կազմված հանձնաժողովի կողմից, նույնպես պարգեւատրվեցին Sumsung Galaxy S4 հեռախոսներով։
«Beeline-ի անունից սրտանց շնորհավորում եմ մրցույթի հաղթողներին եւ շնորհակալություն հայտնում բոլորին մասնակցության, ինչպես նաեւ գեղեցիկ ու հետաքրքիր լուսանկարների համար: Հավատացած ենք, որ այս փոքրիկ մրցանակները եւ այն դրական զգացողություններն, որ ստացաք այսօր, կօգնեն ձեզ կյանքը դարձնել ավելի լավը։ Թող ֆորտունան ձեզ ուղեկից լինի յուրաքանչյուր քայլում եւ հետագայում ավելի մեծ հաղթանակներ պարգեւի» - ասաց Հայաստանում Beeline-ի Հասարակայնության հետ կապերի ծառայության ղեկավար Տաթեւ Այրումյանը:
Նշենք, որ «Ի՞նչ է ֆորտունան ինձ համար» լուսանկարների մրցույթն մեկնարկել էր սույն թվականի օգոստոսի 8–ին։ Ընդհանուր առմամբ մրցույթին մասնակցել է ավելի քան 150 աշխատանք։
Սոցիալական կայքերից յուրաքանչյուրում մրցույթի հաղթող է ճանաչվել երկուական մասնակից` առավելագույն թվով քվե հավաքած եւ հատուկ հանձնաժողովի կողմից ընտրված լուսանկարների հեղինակները: