Ամերիկացի պաշտոնաթող փոխգնդապետը 7 տարի 3 ամսվա ազատազրկման է դատապարտվել՝ իր չինացի սիրուհուն գաղտնի տվյալներ փոխանցելու համար: 60-ամյա Բենջամին Փիրս Բիշոփը մեղավոր է ճանաչվել նաեւ իր տանը Պենտագոնի ծառայողական փաստաթղթեր պահելու համար, հաղորդում է «ԻՏԱՌ-ՏԱՍՍ»-ը:
Հետաքննությունների դաշնային բյուրոյի քննիչների տվյալներով՝ Բիշոփը վերջին ժամանակներս աշխատել է Խաղաղօվկիանոսյան հրամանատարության շտաբ-բնակարանում, 2012թ. մայիսից մինչեւ 2013թ. մարտը էլեկտրոնային փոտով 27-ամյա չինուհուն պետական գաղտնիք պարունակող նյութեր է ուղարկել: Աղջկա անունը չի բացահայտվում:
Բիշոփի կողմից սիրուհուն փոխանցված փաստաթղթերի թվում են ռազմավարական ատոմային համակարգերի տեղակայման ԱՄՆ-ի ծրագրերը:
Բիշոփը կալանավորվել էր 2013թ.-ին: Ընթացիկ տարվա մարտին նա համաձայնել է համագործակցել քննության հետ, հակառակ դեպքում վերջինիս 20 տարվա ազատազրկում էր սպառնում:
