Նյու Ջերսի նահանգի Աթլանթիք Սիթի քաղաքի իշխանություններն արգելել են խաղալիք ատրճանակների վաճառքը, հայտնում է 6abc-ն: Ըստ տեղի պաշտոնյաների` հրազենի իրականին մոտ կրկնօրինակները հաճախ են օգտագործում հանցագործները:

Խաղալիք ատրճանակ ունենալ եւ  օգտագործել թույլատրվում է միայն  այն դեպքում, եթե դրա վառ գունավորումից հստակ երեւում է, որ իրական զենք չէ, փոխանցում է Lenta.ru-ն:

Քաղաքային խորհուրդը հուսով է, որ գաղափարը կտարածվի նաեւ երկրի այլ քաղաքներում: Նա նշել է, որ արգելքն ընդունելուց հետո զանգեր է ստացել այլ նահանգների գործընկերներից: