Ֆինն գիտնականները պարզել են, որ եթե անքնությունը կամ քունը խանգարող այլ խանգարումները վերանային մարդկանց կյանքից, ընկերություններն իրենց աշխատակիցների բյուլետենային օրերի համար 28 տոկոսով ավելի քիչ գումար կծախսեին, հաղորդում է Reuters-ը:
Գիտնականներն օգտագործել են տարբեր ֆիննական ձեռնարկությունների աշխատակիցների առողջության մասին հետազոտության տվյալները: Դրան մասնակցել է 1875 կին եւ 1885 տղամարդ: Նրանք պատասխանել են քնի խանգարման, անքնության սիմպտոմների, ցերեկը քնելու ցանկության, նաեւ բժշկական հետազոտությունների մասին հարցերին:
Վերլուծությունը ցույց է տվել, որ եւ տղամարդիկ, եւ կանայք, որոնց մոտ հաճախ են անքնություն կամ քնի խանգարման նշաններ եղել, տարեկան ավելի քան 10 օր չեն հաճախել աշխատանքի հիվանդությունների պատճառով, մյուսների մոտ այդ ցուցանիշը եղել է 5 օր:
Պարզվել է նաեւ, որ ամենից քիչ աշխատանքից բացակայել են այն տղամարդիկ ու կանայք, որոնք քնել են օրական 7-8 ժամ:
Գիտնականները եզրահանգում են արել, որ տղամարդկան համար քնի օպտիմալ տեողությունը 7 ժամ 46 րոպե է, իսկ կանանց համար՝ 7 ժամ 38 րոպե: