ԱՄՆ-ը այսօր՝ սեպտեմբերի 18-ին, պարտավորվել է 53 մլն դոլարի ֆինանսական օգնություն հատկացնել, հաղորդում է ՈՒՆՆ-ն՝ վկայակոչելով Սպիտակ Տան մամուլի ծառայությունը:
Ըստ այդմ, նշվում է, որ «7 մլն դոլար կուղղվի միջազգային կազմակերպություններին՝ արեւելյան Ուկրաինայում հակամարտությունից տուժածներին մարդասիրական օգնություն հատկացնելու նպատակով»:
«46 մլն դոլար կուղղվի Ուկրաինայի զինվորականներին ու սահմանապահներին՝ անվտանգության ապահովման համար»,-ասված է հաղորդագրության մեջ:
Օբամայի վարչակազմի բարձրաստիճան պաշտոնյան հայտարարել է, որ Ուկրաինայի անվտանգության համար նախատեսված 46 մլն դոլարը ներառում է ռադիոտեղորոշիչ սարքավորում՝ հրետանային կրակի որոնման համար, գրում է Reuters-ը:
Բացի այդ, սպասվում է, որ ի թիվս այլոց, կլինեն նաեւ ինժեներական սարքավորումներ, պարեկային մեքենաներ, անձնակազմի տեղափոխման