Գենուայի դատախազությունը քննություն է սկսել Իտալիայի վարչապետ Մատեո Ռենցիի հոր` Տիցիանոյի նկատմամբ, որը կասկածվում է նախկինում վարչապետի ընտանիքին պատկանող ընկերության կեղծ սնանկացման մեջ, հինգշաբթի փոխանցում է իտալական «Կորիերե դելա սերա» թերթի կայքը:
Ըստ թերթի` խոսքը պարեբարականների տարածմամբ զբաղվող Chil ընկերության մասին է: Այդ իրավական անձը սնանկ էր հայտարարվել եւ դադարեցրել իր գործունեությունը անցյալ տարի, որոշ ժամանակ անց, երբ Ռենցին ընկերությունը վաճառել էր Գենուայից անհայտ մի ձեռնարկատիրոջ, փոխանցում է «Ինտերֆաքսը»:
Գենուայի դատախազությունը սկսել է մի քանի ամիս առաջ Chil-ի սնանկացման վերաբերյալ գործի քննությունը, եւ պարզվել է, որ գործունեությունը դադարեցրած ընկերությունը բավական չմարած պարտքեր ունի վարկատուներին, նշում է թերթը:
Թերթը նշում է, որ 1999-2004 թթ. ընկերությունը ղեկավարել է Իտալիայի ներկայիս վարչապետ Ռենցին` քույրերի հետ, սակայն հետագայում նրանք Chil-ը հանձնել էին հոր կառավարմանը։
Վարչապետի հայրը հայտարարում է, որ կեղծ սնանկացման վերաբերյալ գործն իր հետ կապ չունի:
«Քննությունում ասվում է 2013 թ. նոյեմբերին ընկերության սնանկացմանը վերաբերող փաստերի մասին, սակայն ես այն վաճառել եմ 2010 թ.», - Ռենցիի խոսքերն է մեջբերում թերթը: