U2 իռլադական խումբը եւ ամերիկյան Apple ընկերությունը թվային երաժշտության համար նոր ձեւաչափ են մշակում, գրում է Time-ը: Հաստատվել է, որ այդ գաղտնի նախագիծը կօգնի փրկել ինտերնետ-ծովահենությունից տուժող երաժշտական արդյունաբերությունը:
Նախագծի հեղինակների խնդիրը շատ բարդ է, քանի որ ներկայումս երաժշտությունը լիովին հասանելի է ինտերնետ-պիրատության եւ այնպիսի օրինական կայքերի պատճառով, ինչպիսին YouTube-ն է: Այդուհանդերձ, հեղինակներն ակնկալում են, որ օգտատերերը չեն կարող դիմադրել նոր ձեւաչափին եւ ավելի ակտիվ կսկսեն գնել երաժշտություն, ընդ որում, ինչպես առանձին երգեր, այնպես էլ ամբողջական ալբոմներ, հաղորդում է Gazeta.ru-ն: