Ամեն տարի սեպտեմբերի 19-ին նշվում է յուրահատուկ տոն՝ էլեկտրոնային բարեհամբույր խորհրդանիշի՝ սմայլիկի ծննդյան օրը: 1982թ. սեպտեմբերի 19-ին Կարնեգի Մելոնի համալսարանի պրոֆեսոր Սքոթ Ֆալմանը առաջարկել էր երեք խորհրդանիշ կիրառել՝ երկու կետ, գծիկ եւ փակող փակագիծ՝ համակարգչով հավաքվող տեքստում ժպտացող դեմք պատկերելու համար, փոխանցում է Calend.ru-ն:

Սա էլեկտրոնային լեքսիկոնում լուրջ լրացում էր: Պահպանվել է այն նամակը, որը Ֆալմանն ուղարկել էր տեղի հայտարարությունների էլեկտրոնային տախտակին, որն այսօրվա ֆորումների նախատիպն էր եւ համալսարանի աշխատակիցների շփման հիմնական միջոցը: