Ֆրանսիայի նախագահ Ֆրանսուա Օլանդը հայտարարել է, որ Ֆրանսիան առաջին ավիահարվածներն է հասցրել Իրաքում «Իսլամական պետության» գրոհայինների դիրքերին, հայտնում է Agence France-Presse-ը:
«Այսօր առավոտյան 9.40-ին մեր Rafale կործանիչներն առաջին հարվածներն են հասցրել «Իսլամական պետության» գրոհայինների դիրքերին»,- ասված է Օլանդի հայտարարությունում: Բացի այդ, Օլանդը հայտարարել է առաջիկա օրերին ավիահարվածները շարունակելու մտադրության մասին, գրում է Gazeta.ru-ն:
Ավելի վաղ Օլանդը հայտնել էր, որ Ֆրանսիան Իրաք զորքեր չի ուղարկի, սակայն չէր բացառել օդային հարվածների հավանականությունը: