Ճապոնիայի իշխանությունները որոշել են հաջորդ տարի վերսկսել կետերի որսն Անտարկտիկայում, չնայած Կետորսության միջազգային հանձնաժողովի որոշմանը:
Հինգշաբթի հանձնաժողովը հաստատել է, որ Ճապոնիայի մտադրություններն անօրինական են, քանի որ որսն արվում է ոչ գիտական նպատակներով: Ճապոնիայի կառավարության գլխավոր քարտուղար Յոսիհիդե Սուգան հանձնաժողովի որոշումը անվանել է «անտեղի», փոխանցում է BBC-ի ռուսական ծառայությունը:
Տոկիոն պնդում է, որ կետերի որսով զբաղվում է բացառապես հետազոտական նպատակներով:
Այնուամենայնիվ, Ճապոնիայում վաճառվում է կետի միս:
