Սեպտեմբերի 19-ին, ժամը 11:00-ի սահմաններում, օպերատիվ տվյալներն իրացնելով, ՀՀ ԱՆ «Նուբարաշեն» քրեակատարողական հիմնարկի ծառայողները դատապարտյալ Ա. Տ.-ին տեսակցության եկած մոր՝ Վ. Տ.-ի անձնական զննությամբ հայտնաբերել եւ առգրավել են 14 հատ «Սուբոտեքս» տեսակի դեղահաբ եւ 8 գրամ կանաչավուն զանգված: Այս մասին NEWS.am-ի թղթակցին ՀՀ ԱՆ ՔԿՎ հանրային կապերի բաժնից:
Հայտնաբերված զանգվածն ուղղարկվել է դատաքիմիական փորձաքննության, կատարվում է հետաքննություն: Նույն օրը, ժամը 13:00-ի սահմաններում, ՀՀ ԱՆ «Վանաձոր» քրեակատարողական հիմնարկի ծառայողներն իրացնելով օպերատիվ տվյալները, կալանավորված անձ Մ. Հ.-ին այցելության եկած կնոջ՝ Ա. Ն.-ի անձնական զննությամբ` կոշիկների միջից հայտնաբերել եւ առգրավել են երկու բջջային հեռախոս, որոնցից մեկում առկա էր 1,5 գրամ կանաչավուն զանգված: Հայտնաբերված զանգվածն ուղղարկվել է դատաքիմիական փորձաքննության, կատարվում է հետաքննություն:
