Հայաստանից, Թուրքիայից, Եվրոպայից եւ ԱՄՆ-ից հեղինակավոր զեկուցողներ սեպտեմբերի 26-ին եւ 27-ին ելույթ են ունենալու Քեմբրիջի Մասաչուսեթսի տեխնոլոգիական ինստիտուտում նախանշված՝ «Հայերը եւ պրոգրեսիվ քաղաքականությունը» թեմայով համաժողովի ընթացքում:
Ըստ «Asbarez» պարբերականի, համաժողովի առաջին օրը՝ սեպտեմբերի 26-ին, աշխարհահռչակ գիտնական եւ ակտիվիստ Նոամ Չոմսկին անդրադառնալու է Թուրքիայի, այդ երկրի պատմության եւ քաղաքականության թեմային: Մասնակիցները վերլուծելու են իմպերիալիզմը, հասարակական շարժումները եւ Թուրքիայում մարդու իրավունքների խախտումները, այդ թվում՝ Հայոց ցեղասպանությունն ու քրդերի հանդեպ վերաբերմունքը:
Սեպտեմբերի 27-ին քննարկումներ են լինելու լրատվամիջոցների աշխատանքի, հայ-թուրքական հարաբերությունների եւ դարձյալ Հայոց ցեղասպանության մասին:
