Շիա ապստամբները գնդակոծել են Եմենի մայրաքաղաք Սանայի պետական հեռուստաընկերության շենքը:
Գնդակոծումը սկսվել է հինգշաբթի լույս ուրբաթ օրվա գիշերը եւ շարունակվել մինչեւ առավոտ: Հարյուրավոր տեղցիներ լքել են տները՝ վախենալով բռնության աճից:
Շիա ապստամբների եւ հանրապետության իշխանություններին հավատարիմ սունիների միջեւ բախումները Սանայում վերջին օրերին ուժեղացել են: Վերջին երեք օրերի բախումների ընթացքում զոհվել է շուրջ 40 մարդ, փոխանցում է BBC-ի ռուսական ծառայությունը:
Օգոստոսի կեսերից Եմենում շիաների բողոքի ցույցեր են տեղի ունենում, որոնք պահանջում են կառավարության հրաժարականը եւ վառելքի սուբսիդիան կրճատելու վերաբերյալ որոշման չեղարկում:
