Ազգային ժողովի ՀԱԿ խմբակցությունում այսօր՝ սեպտեմբերի 19-ին, տեղի է ունեցել ոչ իշխանական 3 ուժերի՝ ԲՀԿ-ի, ՀԱԿ-ի եւ «Ժառանգության» հերթական նիստը, որին քննարկվել են մարզային հանդիպումների եւ հանրահավաքի օրակարգը:
Նիստից հետո լրագրողների հետ զրույցում ՀԱԿ խմբակցության ղեկավար Լեւոն Զուրաբյանը հայտնել է, որ առաջիկայում մարզային հանրահավաքներ են լինելու:
«Հայաստանի 8 քաղաքներում շատ լուրջ հանրահավաքներ կանցկացնենք: Ստեղծել ենք եռակողմ համատեղ կառույցներ, որոնք էլ կնախապատրաստեն հանրահավաքները եւ կիրազեկեն այդ մասին: Սա դառնալու է շրջադարձային կետ Հայաստանի քաղաքական գործընթացների համար: Մենք լիակատար փոխըմբռնում ունենք եւ լցված ենք հույսով, որ սկսված գործը լավ ավարտ է ունենալու»,- ասաց Լեւոն Զուրաբյանը:
Դեռ հայտնի չէ՝ կուսակցությունների առաջնորդներն այդ հանրահավաքներին մասնակցելու են, թե ոչ:
Նշենք, որ եռյակի երեւանյան հանրահավաքը նախատեսվում է հոկտեմբերի 10-ին:
