Մոսկվայի Կոնյուշկովսկու փողոցում գտնվող ռեստորանում քրեական հետախուզության աշխատակիցները ձերբակալել են երկու «օրենքով գողի», հաղորդվում է Մոսկվայի ՆԳՆ-ի կայքում:
Առաջինը Իլյա Գոգլոյեւն է՝ Իլո կամ Իլյա Կալինինգրադսկի մականվամբ, երկրորդը Սերգեյ Ասատրյանն է՝ Բենթլի կամ Սերյոժա Ասետրինա մականվամբ: Ոստիկանները ձերբակալել են եւս մի քանի մարդու՝ նրանց շրջապատից:
Խուզարկության ժամանակ Գոգլոյեւի մոտից բռնագրավվել է շուրջ 7 գ հերոին: Գործ է հարուցվել ՔՕ-ի 228-րդ հոդվածի հատկանիշներով (թմրանյութերի ձեռքբերում, ապօրինի պահպանում):
Հանդիպման մյուս մասնակիցների նկատմամբ ստուգում է իրականացվում, փոխանցում է Gazeta.ru-ն:
Հագնվելու ոճի եւ արտասահմանյան մակնիշի շքեղ մեքենաների նկատմամբ ունեցած սիրո համար 27 տարեկան «օրենքով գողն» ամենագլամուր մաֆիոզներից է քրեական շրջանակներում, այդ պատճառով էլ ստացել է Բենթլի մականունը: Նրա հայրը բազմիցս դատված Էդուարդ Ասատրյանն է՝ Էդիկ Ասետրինա մականվամբ: Ասատրյանները Դեդ Հասանի կլանից էին:
2010 թ. Սերգեյ Ասատրյանին արդեն ձերբակալել էին, այն ժամանակ առգրավել էին զենք եւ թմրանյութ: