«Բարգավաճ Հայաստան» խմբակցության պատգամավոր Ռուստամ Գասպարյանի որդու՝ Ռոմա Գասպարյանի կալանքի որոշումը բողոքարկել են: Այս մասին NEWS.am-ի թղթակցի հետ զրույցում ասաց Ռուստամ Գասպարյանը:
Նա վստահեցնում է, որ որդուն կալանավորելու որեւէ հիմք չկա, քննությունը որեւէ ապացույց չունի:Պատգամավորը համոզված է, որ ամեն ինչ լավ է լինելու եւ իր որդին անձի առեւանգման մեղադրանքով չի կանգնելու դատարանի առաջ: Այդ գործի շրջանակներում եւս մի մեղադրյալ կար, ով իր որդու հետ է եղել դեպքի ժամանակ, նրան երկու ամիս անազատության մեջ պահելուց հետո ազատել են: Հարցին, թե եթե ձեր որդին երեխաներին այլասերվածից է պաշտպանել, ինչի են նրան կալանավորել, պատգամավորն այսպես պատասխանեց. «Այլասերվածին բռնողները եթե այլասերված են, ո՞նց կարող են նրան բռնել, եթե իրենք են հովանավորները»:
ԲՀԿ-ական պատգամավորը վստահ է, որ այս ամենը կապված է իր գործունեության հետ, մասնավորապես վերջերս նա ստեղծել է ազատամարտիկների դաշինք, անդրադառնում է ազատամարտիկների խնդիրներին: «Միանշանակ իմ գործունեության հետ է կապված, ինձ ոչինչ չի կանգնեցնելու, դաշինքը կա, հանդիպումներ է անում տարբեր տեղերում, ընդհակառակը՝ այսպես ավելի են բարկացնում, որ սկսում են արդեն մեր երեխեքով մեզ ցավացնել, չի կարելի, ամոթ է: Սա միանշանակ զակազ է, ես առայժմ ոչ մի քայլ չեմ ձեռնարկում, սպասում եմ, որ իշխանությունները ողջամիտ կգտնվեն եւ կհասկանան իրենց արածը»,- նշեց Ռուստամ Գասպարյանը:
Հիշեցնենք, որ Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը վերահաստատել է Ռոմա Գասպարյանի նկատմամբ՝ երկամսյա կալանքը որպես խափանման միջոց ընտրելու հարցը:
Մեղադրանքը առաջադրվել է ՀՀ քրեական օրենսգրքի 131 հոդվածի 2-րդ մասի 1-ին կետի հատկանիշներով: Նրան տեղափոխել են «Նուբարաշեն» ՔԿՀ:
Ավելի վաղ Ռուստամ Գասպարյանը NEWS.am-ի թղթակցի հետ զրույցում ասել էրհետեւյալը. «Բողոքողն էլ գալուբոյ է, գալուբոյ տղա է, համասեռամոլ, մարդ չի փախցրել իմ տղան: Էդ գալուբոն 27 տարեկան էշ, ինտերնետներով կապնվում է,18 տարեկան երեխեքին տանում փչացնում է եւ մեկն էլ մի տարածքից մի երեխու հետ, սա էլ դիմում ա, իմ տղեն գնում է դրա հետ հանդիպում, գալիս են, խոսում են, մեծ-մեծ է խոսում, խփում են ու էդ ձեւ սարքեցին առեւանգում, սարքեցին էս ու էն»:
