Միլիարդատեր Վլադիմիր Եվտուշենկովին ազատել են տնային կալանքից: Այս լուրը «ՌԻԱ Նովոստիի» հետ զրույցում հաստատել է կորպորացիայի աղբյուրը. «Իսկապես Եվտուշենկովին ազատել են տնային կալանքից»,- նշել է նա:
ԱՖԿ «Սիստեմայի» մամուլի քարտուղարը եւս «Դոժդ» հեռուստաալիքի հետ զրույցում հաստատել է միլիարդատերի ազատման լուրը:
Երեքշաբթի ՌԴ ՔԿ-ն ԱՖԿ «Սիստեմայի» տնօրենների խորհրդի նախագահ Եվտուշենկովին մեղադրել էր փողերի լվացման մեջ՝ ԱՖԿ «Սիստեմայի» կողմից «Բաշնեֆտ» ընկերության բաժնետոմսերը գնելու գործարքի ընթացքում: Քննությունը կարծում է, որ 2009 թ. բաժնետոմսերը գնվել էին նախապես նվազեցված գնով՝ 500 միլիոն դոլար «զեղչով»:
