Doordarshan հնդկական հեռուստաալիքի լուրերի հաղորդավարուհուն Չինաստանի Ժողովրդական Հանրապետության նախագահ Սի Ցզինպինի ազգանունը «11 Ցզինպին» կարդալու համար հեռացրել են աշխատանքից: Reuters գործակալության փոխանցմամբ՝ լրագրողուհին, տեսնելով Xi տառերը (անգլերեն այսպես գրվում ՉԺՀ-ի առաջնորդի ազգանունը) կարդացել է՝ որպես XI (տասնմեկ) հռոմեական թիվ:
Այդ պահին Սի Ցզինպինը պաշտոնական այցով Հնդկաստանում է: Չինաստանի առաջնորդը մեկնել էր Հնդկաստան՝ վարչապետի հետ երկու երկրների միջեւ տնտեսական ու առեւտրային կապերի ամրապնդման շուրջ բանակցություններ վարելու համար:
Գործակալության տեղեկություններով՝ հաղորդավարուհին դեռ երկար ամիսներ եթերում չի հայտնվի:
Doordarshan հեռուստաընկերությունը գործում է 1959թ.-ից եւ Հնդկաստանի Prasar Bharati խոշորագույն կորպորացիայի կազմում է: