Արարատի մարզի Մասիս քաղաքում սեպտեմբերի 9-ին ծեծկռտուք է տեղի ունեցել, ինչի հետեւանքով 17-ամյա մի տղա վզի կտրվածքով տեղափոխվել է հիվանդանոց:
Ոստիկանությունը պարզել է, որ տղային վնասվածք հասցնողը նույն քաղաքի բնակիչ, 23-ամյա Գարիկ Բաբախանյանն է, որին բերման են ենթարկել ոստիկանության բաժին:
Պարզվել է, որ Մասիսի Դպրոցականների փողոցում գտնվող սուպերմարկետներից մեկում վիճաբանություն է տեղի ունեցել, որը վերածվել է ծեծկռտուքի: Վիճաբանությունն սկսվել է սուպերմարկետի աշխատակիցներից անչափահաս Արմանի եւ տուժող տղայի ընկերոջ միջեւ, որոնք ծանոթներ են եղել, նախկինում միասին աշխատել են այդ սուպերմարկետում: Վեճին միջամտել են տուժողն ու Գարիկ Բաբախանյանը, վեճը շարունակվել է սուպերմարկետից հեռու տարածքում, որտեղ Գարիկը ջարդված շշով հարվածել է տուժողին եւ վնասել նրա պարանոցը:
«Ինձ քաշքշեցին, հարվածեցին, առանց պատճառ ունենալու, ես էլ վրդովված` ջարդած շշով հարվածել եմ: Պարանոցին չեմ ուզեցել հարվածել, ուզեցել եմ դեմքը ճղեմ»,-ոստիկանությունում պատմել է Գարիկը:
Դեպքի քննությունը շարունակվում է:
Մանրամասները` ոստիկանության տեսանյութում: