Իրաքի հյուսիսում թուրքական հյուպատոսության հունիսին պատանդ ընկած 49 աշխատակիցները բարեհաջող վերադարձել են հայրենիք, հայտնել է Թուրքիայի վարչապետ Ահմեդ Դավութօղլուն։ Ըստ նրա` միջադեպը բարեհաջող ելք է ունեցել ազգային հետախուզության աշխատանքի շնորհիվ:
Դավութօղլուն հստակեցրել է, որ նրանց տարել են Թուրքիայի հարավային Շանլիուրֆա քաղաք, փոխանցում է «lenta.ru»-ն` վկայակոչելով Reuters-ը:
Հիշեցնենք, որ հունիսի 11-ին «Իրաքի եւ Լեւանտի իսլամական պետություն» խմբավորման գրոհայինները գրավել էին Մոսուլ քաղաքի թուրքական հյուպատոսությունը: Պատանդ էին վերցրել 48 աշխատակցի եւ նրանց ընտանիքի անդամներին, այդ թվում նաեւ ` երեք երեխայի, ինչպես նաեւ գլխավոր հյուպատոս Օզթյուրք Յըլմազին: