ՌԴ քննչական կոմիտեի պաշտոնական ներկայացուցիչ Վլադիմիր Մարկինը հերքել է այն տեղեկությունը, թե ԱՖԿ «Սիստեմայի» ղեկավար Վլադիմիր Եվտուշենկովը ազատվել է տնային կալանքից, փոխանցում է «Ինտերֆաքսը»։
Քննությանը մոտ կանգնած աղբյուրը rbc-ի հետ զրույցում Եվտուշենկովի ազատման մասին տեղեկությունը, որը թե Լոնդոնում եւ թե Մոսկվայում հանգեցրել էր ԱՖԿ «Սիստեմայի» բաժնետոմսերի գնի կտրուկ աճին, անվանել է ապատեղեկատվություն։
Այն ժամանակ, երբ շուկան հավատում էր Եվտուշենկովի ազատմանը, «ՌԻԱ Նովոստիի» թղթակիցը հեռախոսով կապ էր հաստատել գործարարի հետ։ «Սիստեմայի» ղեկավարը, ինչպես ավելի վաղ Մարկինը, հերքել էր իր ազատման լոււրը։
Սակայն Ռուսաստանի արդյունաբերողների եւ ձեռնարկատերերի միության նախագահ Ալեքսանդր Շոխինը լրագրողներին հայտնել է, որ թեեւ Եվտուշենկովը տնային կալանքի տակ է, նրան թույլ են տվել օգտվել բջջային հեռախոսից։
ՌԴ քննչական կոմիտեն սեպտեմբերի 16-ին Եվտուշենկովին մեղադրել էր «Բաշնեֆտ» ընկերության բաժնետոմսերը գնելու գործարքի ընթացքում փողեր լվանալու մեջ։ Քննության վարկածով՝ 2009թ. բաժնետոմսերը գնվել էին 500 մլն դոլար «զեղչով»։
