Առաջին օրվա սակարկությունների արդյունքներով Alibaba չինական ընկերության արժեթղթերի արժեքը աճել է 38,07 տոկոսով՝ մեկ բաժնետմսի արժեքը կազմելով մինչեւ 93,89 դոլար:
Արժեթղթերի առաջնային տեղաբաշխման արդյունքում Alibaba-ն մոտ 8,3 մլրդ դոլար կստանա: Այսպիսով, ինտերնետ-խանութի կապիտալիզացիան կազմել է 231 մլրդ դոլար, ինչը ավելի բարձր է այնպիսի ամերիկյան կորպորացիաների կապիտալիզացիայից, ինչպիսիք են Amazon-ը եւ Facebook-ը:
Հաշվի առնելով, որ Ջեք Մային են պատկանում Alibaba-ի բաժնետոմսերի 8,9%-ը, վերջինիս ունեցվածքը ներկայումս գնահատվում է 21 մլրդ դոլար: Ջեք Ման ներկայումս չինաստանի ամենահարուստ մարդն է, ինչպես նաեւ աշխարհի 30 ամենահարուստ մարդկանցից մեկը, հաղորդում է «ԻՏԱՌ-ՏԱՍՍ»-ը՝ վկայակոչելով չինական աղբյուրներին:
Alibaba-ն online առեւտրի ոլորտում աշխատող չինական ընկերություն է, ղեկավարում է Taobao եւ AliExpress խանութները: 2014թ. ֆինանսական տարում չինական կոնցեռնի հասույթը կազմել է 8,4 մլրդ դոլար: