Աշխարհում ամենաբարձրահասակ տղան իրավամբ համարվում է հնգամյա Կարան Սինգհը (Karan Singh) Հնդկաստանից: Տղան պաշտոնապես գրանցվել է Գինեսի ռեկորդների գրքում:
Կարանն անհավանական խոշոր է ծնվել՝ 63 սմ հասակով: Երկու տարեկանում նրա հասակը 124 սմ էր, քաշը՝ 42 կգ՝ տասը տարեկան երեխային համարժեք: Ներկայումս հինգ տարեկան տղայի հասակը 170 см է, որը տղամարդու համար միջին հասակ է: Այնինչ Կարանի համար դեռ ամեն ինչ առջեւում է:
Բժիշկները Կարանի մոտ ոչ մի շեղում չեն հայտնաբերել եւ հայտարարել են, որ տղան միանգամայն առողջ է: Կարանն իր հասակակիցների հետ դպրոց է գնում եւ շփման խնդիր չունի: Բասկետբոլի ժամանակ բոլորն ընդունում են, որ նրա աճը մեծ առավելություն է իր հավաքականի համար: Կարանը ցանկանում է ապագայում դառնալ պրոֆեսիոնալ բասկետբոլիստ, հայտնում է «Պարանորմալնիե նովոստին»:
Կարանի մայրը, երբ նա փոքր էր, նրան ավելի մեծահասակ երեխաների հագուստ էր գնում, եւ այժմ նա որդու համար հագուստը գնում է մեծահասակների խանութից:
Տղան անսովոր հասակը ժառանգել է մորից՝ Շվետլանա Սինգհից, որի հասակը 2 մետր 20 սմ է: Նա Ասիայի ամենաբարձրահասակ կինն է: Նրա կողքին սեփական ամուսինը գաճաճ է թվում:
Կինն Աստծուց խնդրում է, որպեսզի որդին իրենից բարձրահասակ լինի, սակայն մի փոքր անհանգստացած է. ապագայում բարձր հասակը որդու համար մեծ խնդիրներ կառաջացնի:
