Գերմանիայի Մյունխեն քաղաքում մեկնարկել է գարեջրի հայտնի «Օքթոբերֆեսթ» փառատոնը: Բավարական մայրաքաղաքի քաղաքապետ Դիտեր Ռայթերը բացել է թարմ եփված գարեջրի 200 լիտրանոց տակառը՝ դրանով ազդարարելով զբոսանքների մեկնարկը, որոնք այս տարի կշարունակվեն մինչեւ հոկտեմբերի 5-ը:
Ըստ հաշվարկների՝ «Օկտոբերֆեսթում» այցելուների եւ խմած գարեջրի լիտրերի քանակը միլիոնների է հասնում: Օրինակ՝ անցյալ տարի Մյունխենի փառատոնին մասնակցել էր 6,4 միլիոն մարդ, վաճառվել էր 7,7 միլիոն լիտր գարեջուր: Միջինը երկու շաբաթում այցելուներն ուտում են 480 հազար հավի տապակա, ավելի քան 200 հազար բավարական նրբերշիկ, 78 հազար խոզի մսով բլիթներ:
Անցյալ տարվա փառատոնի հյուրերը ընդհանուր առմամբ ծախսել են 1,1 միլիարդ եվրո: Գումարը գոյանում է գարեջրի եւ նախուտեստների վաճառքից, ինչպես նաեւ հյուրանոցատերերի, տաքսիների վարորդների եւ հուշանվերների խանութներում վաճառքից ստացված եկամտից:
Փառատոնի այցեքարտը գարեջրային հսկայական վրաններն են: Նրանցից ամենամեծում կարող է տեղավորվել 10 հազար մարդ: Թերեզայի մարգագետնում, որտեղ տեղի է ունենում փառատոնը, վրանների քանակը գհերազանցում է 118 հազարը:
