Ռուսաստանի կառավարությունը դիտարկում է Ղազախստանից եւ Բելառուսից ալկոհոլի անմաքս ներմուծման ծավալների սահմանափակման հարցը, հայտարարել է ֆինանսների նախարար Անտոն Սիլուանովը:
Ներմուծման պատճառը Մաքսային միության երկրներում ակցիզային հարկերի միջեւ առկա տարբերությունն է: Այսպես, Ռուսաստանում մեկ լիտր սպիրտի համար այն կազմում է 400 ռուբլի: Ղազախստանում այն գրեթե երկու անգամ ավելի քիչ է, բացի այդ, օղի արտադրելու համար հումքն այնտեղ անհամեմատ էժան է: Արդյունքում ղազախական օղու ինքնարժեքը 5-6 անգամ ավելի էժան է, քան ռուսականը, հաղորդում է «ՌԻԱ Նովոստին»:
Օղի արտադրողները հայտարարել են, որ ռուսական շուկայում ապօրինի արտադրանքի մասնաբաժինը հասել է 50%: Օրինական արտադրությունը 28,3 տոկոսով նվազել է:
