Հայաստանի ԱԻՆ-ում, այսօր՝ սեպտեմբերի 20-ին, ժամը 17.00-ին Վրաստանի Հանրապետության ՆԳՆ ԱԻ դեպարտամենտից տեղեկատվություն է ստացվել, որ Գուրիա շրջանի Լանչխութի-Սուֆսա ավտոճանապարհին բախվել են «Մերսեդես» մակնիշի 99 ՕԼ 919 համարանիշի ավտոմեքենան (վարորդ` Վ. Ա., ծնվ.1989թ.) եւ 27 D 6710 համարանիշի բեռնատարը (մակնիշը չի հաջողվել պարզել, վարորդ` Թուրքիայի Հանրապետության քաղաքացի Մ. Ա.):
Վ.Ա.-ը տեղում զոհվել է, իսկ «Մերսեդես» մակնիշի ավտոմեքենայի ուղեւոր 21-ամյա Ա. Ե.-ն տարբեր աստիճանի մարմնական վնասվածքներով հոսպիտալացվել է Ավերսի ԲԿ, որտեղ բժիշկները տուժածի առողջական վիճակը գնահատել են միջին ծանրության:
