Անտառային հրդեհի մարմանը շտապող շվեդ փրկարարները ուշացել են՝ նավիգատորի սխալի պատճառով: Տեղի ԱԻՆ-ի փոխանցմամբ՝ մինչեւ փրկարարները հասել են դեպքի վայր, հրդեհի փոքրիկ օճախը վերածվել է հսկայական հրդեհի, որը խոշորագույններից է երկրի պատմության մեջ: Արտակարգ պատահարը տեղի է ունեցել հուլիսի վերջին, սակայն մանրամասները միայն հիմա են հայտնի դարձել:
Ահազանգն ստացվել է այն ժամանակ, երբ հրդեհի տարածքը կազմել է ընդամենը 30 մետր: Հրշեջները մեկ րոպեում հավաքվել ու դուրս են եկել, սակայն դեպքի վայր են հասել մեկ ժամ անց: Պարզվել է, որ հրշեջ մեքենաներում տեղադրված նավիգատորը փրկարարներին ուղղորդել է հին ճանապարհով: Նոր ճանապարհով նրանք կհասնեին 25 րոպեում: Արդյունքում երբ փրկարարները հասել են դեպքի վայր, անտառի 50 հա տարածք արդեն կրակի ճիրաններում է եղել, հաղորդում է NEWSru.com-ը:
Հուլիսի վերջին բռնկված հրդեհը մարել են 10 օր, որի տարածքն ընդգրկել է 100 հա: Հրդեհաշիջման ժամանակ մարդ է զոհվել, հազարավոր մարդիկ տարհանվել են: