ԱՄՆ-ի գաղտնի ծառայությունը շաբաթ օրը ձերբակալել է տղամարդու, ով փորձել է Սպիտակ տան տարածք ներխուժել: Այդ մասին նույն օրը հաղորդել է Գաղտնի ծառայության պաշտոնական ներկայացուցիչ Էդ Դոնովանը:
Տղամարդը մոտեցել է անցակետերից մեկին, փորձել անցնել պաշտպանվող տարածք եւ մերժում ստացել: Այնուհետ նա արդեն Նյու Ջերսիի պետհամարանիշերով մեքենայով մոտեցել է պաշտպանվող տարածքի այլ դարպասների, հրաժարվել կատարել ոստիկանների հրահանգը տեղը լքելու վերաբերյալ, ինչի հետեւանքով ձերբակալվել է: Կատարվածի մյուս մանրամասները դեռ հայտնի չեն, հաղորդում է ԻՏԱՌ-ՏԱՍՍ-ը:
Այս անգամ Սպիտակ տանը տագնապ չի հայտարարվել, աշխատակիցների տարհանում չի անցկացվել:
