Ամերիկացի պաշտոնյաներն ԱՄՆ-ի ու Եվրոպայի համար գլխավոր ուղղակի սպառնալիք անվանել են «Խորասան» խմբավորումը, որն իրենից ավելի լուրջ վտանգ է ներկայացնում, քան «Իսլամական պետությունը», գրում է «The New York Times» թերթը:
Պարբերականի տեղեկությունների համաձայն՝ «Խորասան» խմբավորումը բաղկացած է «Ալ Քաիդայի» անդամներից՝ Մուհսին ալ-Ֆադլիի գլխավորությամբ: ԱՄՆ-ի Պետդեպարտամենտի տվյալներով՝ նա գտնվել է Ուսամա բեն Լադենի մերձավոր շրջապատում եւ նախօրոք տեղյակ է եղել 2001թ.-ի սեպտեմբերի 11-ի ահաբեկչության մասին: «Խորասանը» գաղտնի խմբավորում է, որին կասկածում են ահաբեկչական գործողությունների նախապատրաստման մեջ: Ֆադլիից բացի՝ խմբավորման անդամներն այնհայտ են, հաղորդում է «Gazeta.ru»-ն:
Նշվում է նաեւ, որ խմբավորման անդամները գտնվում են Մերձավոր Արեւելքի, Հարավային Ասիայի եւ Հյուսիսային Աֆրիկայի տարածքում: