Ինտերնետային սադրիչները նարցիսներին, հոգեկան խնդիրներ ունեցողներին եւ հատկապես սադիստներին բնորոշ հոգեբանական գծեր ունեն: Այս մասին գրում է իտալական Il Post հրատարակությունը:
Գիտնականները թեսթ են անցկացրել համացանցի 1.215 օգտատերերի շրջանում՝ նպատակ ունենալով բացահայտել ինտերնետային սադրիչների անհատական հոգեբանական գծերը:
Ըստ «ՌԻԱ Նովոստի»-ի, հետազոտության արդյունքները ցույց են տվել, որ ինտերնետային «տրոլները» նարցիսներին, մաքիավելիստներին, հոգեկան խնդիրներ ունեցողներին եւ հատկապես սադիստներին բնորոշ գծեր ունեն:
Գիտնականների կարծիքով, տրոլինգը երեւույթ է, որը գոյություն ունի ոչ միայն համացանցում կամ համացանցի պատճառով: Պարզապես համաշխարհային սարդոստայնում «տրոլներն» ավելի նկատելի են: Անանունության շնորհիվ մարդիկ համացանցում իրենց ավելի պաշտպանված են զգում, այդ պատճառով այնպիսի «հակասոցիալական» կերպարներ, ինչպիսիք են «տրոլները», կարող են միավորվել իրենց նման մարդկանց հետ եւ ինքնատիպ ենթամշակույթ ստեղծել: