Ադրբեջանում հարսանեկան միկրոավտոբուսի վթարի հետեւանքով երկու տասնյակ մարդ է վիրավորվել:
haqqin.az-ի փոխանցմամբ՝ պատահարը տեղի է ունեցել 01:30-ին՝ Շեքի-Գահ մայրուղու վրա: «Մերսեդես» մակնիշի միկրոավտոբուսի վարորդը, շարժվելով Շեքիի ուղղությամբ, բավել է ճանապարհին հայտնված ձիուն, այնուհետեւ կորցրել կառավարումը, ինչի արդյունքում միկրոավտոբուսը շրջվել է:
Հիվանդանոց տեղափոխվածներից 4-ի վիճակը ծանր է: Մնացած 18 տուժածները թեթեւ վնասվածքներ են ստացել: Պատահարի հետեւանքով տուժածները միեւնույն ընտանիքի անդամներ են: Նրանք վերադառնալիս են եղել հարազատներից մեկի հարսանիքից:
Փաստի առթիվ հարուցվել է քրեական գործ, իրականացվում է հետաքննություն: