Լեհաստանի սեյմի ստորին պալատի խոսնակ Եվա Կոպաչը, որը երկրի նախագահ Բրոնիսլավ Կոմորովսկու կողմից նշանակվել է վարչապետ, հեռացել է Լեհաստանի խորհրդարանի իր պաշտոնից, հայտնել է իր մամուլի քարտուղար Իվոնա Սուլիկը:
Կոմորովսկին պաշտոնապես կնշանակի Կոպաչին եւ նրա կառավարությանը: Հոկտեմբերի 1-ին Կոպաչը պատգամավորներին կներկայացնի իր կառավարությունը: Նույն օրը տեղի կունենա քվեարկություն` նոր կառավարությանը վստահության քվե տալու հարցով, փոխանցում է ԻՏԱՌ-ՏԱՍՍ-ը:
Սեյմի խոսնակի թափուր պաշտոնում իշխող դաշինքն առաջադրել է Ռադոսլավ Սիկորսկուն` Դոնալդ Տուսկի կառավարության արտգործնախարարին:
