Մեծ Բրիտանիայի նախկին վարչապետ Թոնի Բլերը կարծում է, որ «Իսլամական պետություն» ծայրահեղական խմբավորման դեմ պայքարում միջազգային կոալիցիային անհրաժեշտ է ոչ միայն ավիացիա, այլ նաեւ ցամաքային զորքեր օգտագործել, գրում է Guardian թերթը:
«Ավիացիան այս պայքարի (ԻՊ-ի դեմ) գլխավոր բաղադրիչն է... Սակայն դաժան ճշմարտություն է նաեւ, որ միայն ավիացիան բավարար չէ: Դրա օգնությամբ կարելի է շրջապատել նրանց, (ԻՊ-ի զինյալներին) անհանգստություն պատճառել, որոշ առումով զսպել, սակայն դրանցով հաղթելն անհնար է», - հայտարարել է Բլերը:
Բլերի խոսքով՝ կոալիցիային անհրաժեշտ է վերանայել ցամաքային զորքերի, մասնավորապես, հատուկ նշանակության զորքերի օգտագործման հնարավորությունը: «Տվյալ դեպքում մենք չենք խոսքում օկուպացիոն բանակների մասին: Մենք խոսում ենք որոշակի դեպքերում եւ համապատասխան սահմանափակումներով անհրաժեշտության դեպքում ցամաքային զորքեր օգտագերծելու մասին», - գրել է Մեծ Բրիտանիայի նախկին վարչապետը, հաղորդում է «ՌԻԱ Նովոստին»:
Ընդ որում, բրիտանական կառավարության նախկին ղեկավարը արեւմտյան երկրներին նախազգուշացրել է միայն իսլամիստներին թշնամի դիտարկելու «ճակատագրական սխալներից», եւ կոչ արել քայլեր ձեռնարկել ծայրահեղականների «լայն սպեկտրի» դեմ: