Լեհաստանի նախագահ Բրոնիսլավ Կոմորովսկին հաստատել է երկրի կառավարության նոր կազմը: Նոր կառավարության կազմը ներկայացրել է վարչապետ Էվա Կոպաչը, հաղորդում է Gazeta Wyborcza-ը:
Վարշավայում տեղի է ունեցել նոր կառավարության նշանակման հանդիսավոր արարողությունը: «Քաղաքացիական պլատֆորմ» իշխող պահպանողական կուսակցությունը ներկայացնող Էվա Կոպաչը Սահամանադրության եւ Լեհական հանրապետության այլ օրենքներին հետեւելու հանդիսավոր երդում է տվել, փոխանցում է Gazeta.ru-ն:
Վարչապետ Կոպաչը փոխարինել է Դոնալդ Տուսկին, ով հրաժարական էր տվել Եվրոպական խորհրդի նախագահ ընտրվելու կապակցությամբ: Էվա Կոպաչը նախկինում զբաղեցրել է Լեհաստանի սեյմի նախագահի պաշտոնը:
Լեհական նոր կառավարությունը կոալիցիոն է: Բացի «Քաղաքացիական պլատֆորմի» ներկայացուցիչներից, կառավարության կազմում են նաեւ Լեհական գյուղացիական կուսակցության ներկայացուցիչները:
