Բարաք Օբաման պատրաստ է ՄԱԿ-ի ԱԽ-ին ներկայացնել բանաձեւ, ըստ որի, ծայրահեղական իսլամիստական խմբավորումների հետ կապված անձանց կարգելվի օրինական կերպով տեղաշարժվել աշխարհում: Տվյալ խնդրին «ոչ լրջորեն» մոտեցող երկրների նկատմամբ Օբաման առաջարկում է պատժամիջոցներ սահմանել, հաղորդում է The Telegraph-ը:
Պարբերականի տվյալներով՝ բանաձեւի նախագիծն ուղղված է «երկրագնդում պոտենցիալ ահաբեկիչների հավաքագրման եւ տեղաշարժման նախազգուգուշացմանը»:
Նման քայլերի իրացումը ենթադրում է ՄԱԿ-ի անդամ-պետությունների օրենսդրություններում փոփոխություններ, հաղորդում է «ՌԻԱ Նովոստին»:
Պարբերականը նաեւ նշում է, որ նման միջոցառումները Բարաք Օբամային հնարավորություն են տալիս ընդլայնել ջիհադիստների դեմ պայքարի կոալիցիան, սակայն ՄԱԿ-ի Գլխավոր ասամբլեային չորեքշաբթի ծրագրված ԱՄՆ-ի նախագահի ուղերձը չպետք է ուժգնորեն ազդի Իրաքում եւ Սիրիայում ռազմական գործողությունների բնույթի վրա:
