Թաթարստանում Կազանի ոստիկանությունը ձերբակալել է Ուդմուրտիայի 33-ամյա բնակչի, որը սպանության մեջ է կասկածվում: Չարագործն իր ընկերոջ վրա հարձակվել էր դանակով՝ խոհարարական նախասիրությունների հողի վրա:
Ձերբակալվածը խոստովանել է սպանությունը: Նրան մինչեւ 15 տարվա գաղութ է սպառնում, հայտնում է հանրապետական ՆԳՆ-ի պաշտոնական կայքը:
Ըստ նախնական տվյալների` ծագումով Թաթարստանի Արսկի շրջանից կասկածյալը եւ 25-ամյա տուժածը Կազան են եկել աշխատելու: Նրանք տեղավորվել են Սովետսկայա թաղամասի Մագիստրալնայա փողոցի վարձու բնակարանում, իսկ սեպտեմբերի 14-ին որոշել են գնալ անտառ` սունկ հըավաքելու:
«Երեկոյան տուժածը սկսել է ընթրիք պատրաստել: Կերակրի համը դուր չի եկել ընկերոջը: Դա վեճի սկիզբն է դարձել», - ասվում է մամուլի հաղորդագրությունում, փոխանցում է NEWSru.com-ը:
Հակառակորդները դուրս են եկել աստիճանահարթակ` առանց ականատեսների հարաբերությունները պարզելու համար: Այնտեղ կասկածյալը չորս անգամ դանակահարել է տուժածին, հարվածներից մեկը մահացու է եղել:
Դեպքի վայր է ժամանել հերթապահ ծառայության անձնակազմը: Ոստիկաններին դիմավորել է բնակիչներից մեկը: Նա ցույց է տվել փակ դուռը, որի հետեւում թաքնվել է կասկածյալը: Տղամարդը ոստիկաններին բնակարան է ներս թողել` դուռը մի քանի անգամ թակելուց հետո: Նրա հագուստներն այունոտ են եղել, իսկ կողքին դիակ է ընկած եղել:
