Սանդյհորսթի Թագավորական ռազմական ակադեմիայի սան Վարդան Սողոմոնյանը Հուսեյն արքայի պարգեւ է ստացել:
«Մենք ուրախ ենք եւս մեկ անգամ համոզվելու կադետների բարձր մակարդակի պատրաստվածության հարցում, որոնց Հայաստանն ուղարկում է Թագավորական ռազմական ակադեմիայում ուսանելու: Շնորհավորում ենք Վարդանին եւ Հայաստանին` գերազանց ձեռքբերումների համար»,- ասվում է Հայաստանում Մեծ Բրիտանիայի դեսպանատան Facebook-ի էջում:
Նշենք, որ վերջերս Ուելսում տեղի ունեցած ՆԱՏՕ-ի գագաթաժողովում հայկական դրոշը տարել էր Սանդհյորսթի Թագավորական ռազմական ակադեմիան ավարտած սպան: Ավելի վաղ Սեւակ Վիրաբյանը պարգեւատրվել էր մեծ ձեռքբերումների համար (Hodson’s Horse Merit Award):