Հայաստանում, հոկտեմբերի 3-5-ը առաջին անգամ կանցկացվի Հեքեթոն՝ նվիրված համակարգչային եւ բջջային խաղերի նախագծմանը:

Բոլորը, որոնք ունեն ծրագրավորման գիտելիքներ, նկարելու ունակություն, անիմատոր են, կարող են երաժշտական լուծում տալ խաղերի համար կարող են միանալ:

Նպատակը՝ նախագծել 2D խաղ, թիմով կամ անհատական: Խաղերի կարող են նախագծվել պարզ եղանակներով: Օրինակ ՝  Flappy Bird, Timberman խաղերի նման:

Դիմող անհատներից կձեւավորվեն թիմեր:  Կարող են դիմել նաեւ ձեւավորված թիմեր: Հեքեթոնի ամբողջ ընթացքին ներկա կլինեն խաղային ոլորտի տարբեր մասնագետներ, որոնք խաղերին առնչվող խորհրդատվություն կտան թիմերին:

Ստորեւ ներկայացված թեմաներից մեկը կընտրվի որպես հեքեթոնի Թեմա՝

• Space Invaders - ամեն ինչ կապված տարածության հետ՝ մոլորակներ, տիեզերք, այլմոլորակայիններ, տիեզերական մարտեր

• Retro- հիշելով դասականը՝ ռետրո խաղեր, pixel art

• Mindblow-  տպավորի, ապշեցրու խաղացողին ստեղծելով մի բան, որը դուրս է ստանդարտներից

• Overgrowth- այն ամենը ինչն աճում է,  բազմանում է

• Kombat- մարտական խաղեր, հաղթանակ!

Գրանցումը բաց է մինչեւ հոկտեմբերի 1-ը` http://bit.ly/1uXBq1r: Հոկտեմբերի 2-ին կկազմակերպվի կողմնորոշիչ հանդիպում, որտեղ մասնակիցները կծանոթանան Հեքեթոնի պայմաններին, եւ անհատ դիմորդներից կձավորվեն թիմեր:

Հեքեթոնը կանցկացվի հոկտեմբերի 3-5-ը  ԴիջիԹեք Էքսպոյի շրջանակներում (Երեւան Էքսպո կենտրոն` Հ. Հակոբյան 3 փող.):

Հոկտեմբերի 5-ին ժամը 12:00-ից հետո այցելուները հնարավորություն կունենան խաղալու եւ ընտրելու լավագույններին: Լավագույններին սպասվում են մրցանակներ՝ համակարգիչներ, թաբլեթներ, սմարթֆոններ: Լավագույն խաղը, որը կբավարարի «Բաց Խաղ» առաջնության պայմաններին, կմրցի նաեւ առաջնության գլխավոր մրցանակի համար՝ կներկայանա Casual Connect Բելգրադ համաժողովին եւ դրան կից անցկացվող IndiePrize մրցույթ-ցուցադրությանը:

Հարցերի դեպքում զանգահարեք Ինֆորմացիոն Տեխնոլոգիաների Ձեռնարկությունների միություն՝ 011 54 88 81 (12):