Հայաստանի ԱԻՆ-ում, այսօր՝ սեպտեմբերի 22-ին, ժամը 16.16-ին ահազանգ է ստացվել, որ Վայոց ձորի մարզի Եղեգնաձոր քաղաքի Նարեկացի փողոցի թիվ 6 շենքի 2-րդ շքամուտքում այրվում է էլ. վահանակ:
Հայաստանի ԱԻՆ փրկարար ծառայությունից հայտնում են, որ դեպքի վայր են մեկնել մեկ մարտական հաշվարկ եւ մարզային փրկարարական վարչության օպերատիվ խումբը:
Հրդեհը մեկուսացվել է ժամը 16.37-ին, մարվել` 16.44-ին:
Թիվ 6 շենքի 2-րդ շքամուտքի էլ. վահանկում այրվել է 9 էլ. հաշվիչ, մոտ 7 գմ մալուխ եւ Ա. Ա.-ին պատկանող խորդանոցի գույքը` մասամբ (մոտ 2 քմ):
Հրդեհի հետեւանքով ծխահարվել է Գ. Է.-ն, ով տեղափոխվել է Եղեգնաձորի բժշկական կենտրոն, որտեղ ստանալով առաջին բուժօգնություն` դուրս է գրվել: