«Առյուծ արքա» մյուզիքլի թատերականացված տարբերակը ճանաչվել է բոլոր ժամանակների ամենահաջող բեմական ներկայացումը: 1997թ.-ից ի վեր մյուզիքլն աշխատել է 6.2 մլրդ դոլար ամբողջ աշխարհում:
Ներկայացումը հիմնված է «Disney» ստուդիայի անիմացիոն ֆիլմի վրա, որը ցուցադրում են 1994թ.-ից ի վեր: Երգերի հեղինակն է ճանաչված բրիտանացի երաժիշտ Էլթոն Ջոնը, հաղորդում է BBC-ի ռուսական ծառայությունը:
«Առյուծ արքայի» հասույթը գերազանցել է աշխարհում առաջին հորիզոնականը զբաղեցնող «Օպերայի ուրվականը» մյուզիքլին, որը թատրոններում է 1986թ.-ից ի վեր եւ այս ընթացքում հավաքել է մոտ 6 մլրդ դոլար: