«Իրատես de facto» թերթը գրում է. «Ասում են, թե Ազգային անվտանգության խորհրդի քարտուղարի պաշտոնը կարծես հատուկ ստեղծված լիներ Արթուր Բաղդասարյանի համար, քանի որ նրա հրաժարականից հետո տեւական ժամանակ է` այդ պաշտոնի համար իշխանությունները իրավահաջորդին չեն գտնում: Արդյո՞ք սա նշանակում է, որ ՀՀ-ին ԱԱ խորհուրդ պետք չէ։ Իհարկե ո՛չ։ Պարզվում է՝ «վերեւներում» երկար մտմտալուց հետո «հայտնաբերել» են ԱԱԽՔ-ի հարմար թեկնածու: Ասում են, առաջիկայում այդ պաշտոնը կզբաղեցնի «Ազգային անվտանգություն» կուսակցության ղեկավար Գառնիկ Իսագուլյանը: Հետաքրքիր զուգադիպությամբ, փաստորեն, այս քաղաքական գործչից անպակաս է «ազգային անվտանգություն» հասկացությունը: Թերեւս, տարիներ շարունակ իշխանության «ներսուդրսի» «վտանգներում մասնագիտացած» Գառնիկ Իսագուլյանն ամենահամապատասխան թեկնածուն է անվտանգության խորհրդի քարտուղարի պաշտոնում»։
Առավել մանրամասն՝ թերթի այսօրվա համարում
